薛凱琪（Fiona）昨日邀請余安安接受訪問，問到在電影《早熟》中飾演其母親的安安，會否為Fiona澄清與房祖名的緋聞時，她竟口快快說：「佢同祖名拍拖咁耐，使乜澄清？」令Fiona尷尬掩嘴喪笑，並作狀追打「阿媽」！ 薛凱琪昨日邀請余安安、側田和吳雨霏（Kary）接受《RoadShow紅人館》訪問，問到為何不邀請好友方大同和鄭融時，Fiona笑說：「想有新鮮感，唔想好似例湯！」Fiona與安安相當投緣，戲戲外均以「母女」相稱，問安安會否在節目中爆料時，她笑說：「唔爆點做佢阿媽？我會適當地爆料！應爆則爆。（澄清佢同房祖名緋聞？）佢同祖名拍拖咁耐，使乜澄清？」此時在旁的Fiona即作狀追打安安，並尷尬傻笑說：「畀你搞禍，要澄清番呀！」安安才替她解圍：「佢同祖名唔係拍拖，係好朋友。」Fiona聞言則說：「佢好Funny，幽默感好強，佢頭先講句，真係超低能、勁搞笑呀！」
摩登母女 唔使上契
此外，Fiona透露平日會與安安傾訴心事：「我食飯時會開支紅酒，然後進行Girl Talks，雞啄唔斷。」至於有否打算上契？「兩母女」異口同聲說：「唔會！咁老土，我好Modern！」Kary則盛讚Fiona相當有心，她說：「我好欣賞佢，之前我開個唱，佢台灣返港捧足全場，我覺得佢好有心撐其他歌手。」至於側田就大讚Fiona上鏡、靚女及得意，更不諱言曾被對方迷倒。
Fiona面對安安（右）的如珠妙語，不時掩嘴狂笑。
