仲有100天就係2008北京奧運開幕的日子。
所以o係今日，好多地方都會有奧運倒數100天的活動，
要數當中最大型的活動，就莫過於在香港紅館舉行的活動了。
由於
Fiona薛凱琪有幸作為今次活動的表演嘉賓之一，
所以作為fans的我都有得參興今次的盛事。
整個表現節目非常無聊，
除左阿fi唱左〈愛麗斯的第一次〉及〈It's My Day〉、
李克勤、方力申及古巨基都有歌唱演出外，就冇咩特別的其他表演，
都係個d乜乜總理或者運動員代表的表演，極不吸引。
所以整個節目其間，除左阿fi出場之外，我都係借阿鳴部NDS黎玩，
玩左孖寶兄弟賽車、《太鼓之達人》、《應援團》、
仲有連
《六樓2》中C君都有玩的「Cooking你老母」《Cooking Mama》，
最後就當然有一隻非常好玩的打喪屍第一身射擊Game了。
就睇我玩過咁多game，就知道個節目真係非常長而且沉悶…
到左十點幾完show，我地一班fans諗住走出去擒阿fi車講句ByeBye，
點知阿fi原來已經走左，最後我只係期間見到港姐葉翠翠，影了一幅相咁大把…
其實今日呢個func真係幾無聊，不過總比留在家中浪費掉這悠閒的一晚更好。
